വായന സ്വര്ഗമാക്കിയ ബാല്യകൌമാരങ്ങള്
സി.പി. സുരേന്ദ്രന്
വായിച്ചാല് മനസ്സിലാകില്ലെന്നറിയാവുന്ന കാര്യങ്ങള് വായിക്കുക. മുതിര്ന്നവര് പിടികിട്ടാത്ത കാര്യങ്ങള് സംസാരിക്കുമ്പോള് കേട്ടിരിക്കുക. ഇക്കാലത്ത് 'ദുശ്ശീലങ്ങളെ' ന്നുതോന്നുന്ന ഇത്തരം കാര്യങ്ങളിലായിരുന്നു അഴീക്കോട്ടെ സുകുമാരന്റെ കുട്ടിക്കാലത്തെ ശ്രദ്ധയത്രയും.
അക്കാലത്ത് പിതാവ് ദാമോദരന് മാഷിനെ കാണാന് വേണ്ടി വീട്ടിലെത്തുന്നവര് ചില്ലറക്കാരായിരുന്നില്ല. ആത്മവിദ്യാസംഘത്തിന്റെ സ്ഥാപകന് വാഗ്ഭടാനന്ദ ഗുരുദേവന്, എം.ടി. കുമാരന്, സ്വാതന്ത്യ്രസമരസേനാനി കൂടിയായിരുന്ന ടി.വി. അനന്തന് എന്നിവരൊക്കെ ഇടയ്ക്കിടെ വീട്ടിലെത്തിരുന്നു.
അഴീക്കോട് തനിക്ക് ലഭിച്ചുവെന്ന് പറയുന്ന പൈതൃകസ്വത്തുക്കളില് ഏറ്റവും വിലപ്പെട്ടത് സംസ്കൃതപണ്ഡിതനും പ്രാസംഗികനുമായിരുന്ന പിതാവ് വാങ്ങി സൂക്ഷിച്ചിരുന്ന പുസ്തകങ്ങളാണ്. പല ഗ്രാമീണ വായനശാലകളിലെയും പുസ്തകങ്ങളുടെ എണ്ണത്തെ തോല്പ്പിക്കുന്ന തരത്തിലുള്ള ശേഖരമായിരുന്നു അത്. പത്തു മുതല് പതിനാറു വയസ്സുവരെ ഈ പുസ്തകങ്ങളിലായിരുന്നു സുകുമാരന് അഭയം തേടിയിരുന്നത്.
പുരാണേതിഹാസങ്ങളും ഖണ്ഡകാവ്യങ്ങളും മഹാകാവ്യങ്ങളുമായിരുന്നു അഴീക്കോടിന്റെ വായനയുടെ ആദ്യഖണ്ഡം. ഈ കാലഘട്ടത്തില് വായിച്ചിരുന്നതെല്ലാം സാഹിത്യമായിരുന്നുവെന്ന ബോധം തനിക്കുണ്ടായിരുന്നില്ലെന്ന് അഴീക്കോട് പറഞ്ഞിരുന്നു.
വായനയുടെ കവാടം തുറന്നുകിട്ടിയതോടെ മലയാള, സംസ്കൃത കൃതികള്ക്കൊപ്പം ഇംഗ്ളീഷ് പുസ്തകങ്ങളും വായിക്കാന് തുടങ്ങി. അക്കാലത്ത് ലഭ്യമായിരുന്ന കനപ്പെട്ട പുസ്തകങ്ങളെല്ലാം വായിച്ചുതീര്ത്തു. സംസ്കൃതകൃതികളിലുള്ള അവഗാഹം പില്ക്കാലത്ത് എം.എ മലയാളത്തിന് സ്വര്ണ്ണമെഡല് നേടാന് തന്നെ സഹായിച്ചതായി അഴീക്കോട് ആത്മകഥയില് രേഖപ്പെടുത്തിയിട്ടുണ്ട്.
സി.പി. സുരേന്ദ്രന്
വായിച്ചാല് മനസ്സിലാകില്ലെന്നറിയാവുന്ന കാര്യങ്ങള് വായിക്കുക. മുതിര്ന്നവര് പിടികിട്ടാത്ത കാര്യങ്ങള് സംസാരിക്കുമ്പോള് കേട്ടിരിക്കുക. ഇക്കാലത്ത് 'ദുശ്ശീലങ്ങളെ' ന്നുതോന്നുന്ന ഇത്തരം കാര്യങ്ങളിലായിരുന്നു അഴീക്കോട്ടെ സുകുമാരന്റെ കുട്ടിക്കാലത്തെ ശ്രദ്ധയത്രയും.
അക്കാലത്ത് പിതാവ് ദാമോദരന് മാഷിനെ കാണാന് വേണ്ടി വീട്ടിലെത്തുന്നവര് ചില്ലറക്കാരായിരുന്നില്ല. ആത്മവിദ്യാസംഘത്തിന്റെ സ്ഥാപകന് വാഗ്ഭടാനന്ദ ഗുരുദേവന്, എം.ടി. കുമാരന്, സ്വാതന്ത്യ്രസമരസേനാനി കൂടിയായിരുന്ന ടി.വി. അനന്തന് എന്നിവരൊക്കെ ഇടയ്ക്കിടെ വീട്ടിലെത്തിരുന്നു.
അഴീക്കോട് തനിക്ക് ലഭിച്ചുവെന്ന് പറയുന്ന പൈതൃകസ്വത്തുക്കളില് ഏറ്റവും വിലപ്പെട്ടത് സംസ്കൃതപണ്ഡിതനും പ്രാസംഗികനുമായിരുന്ന പിതാവ് വാങ്ങി സൂക്ഷിച്ചിരുന്ന പുസ്തകങ്ങളാണ്. പല ഗ്രാമീണ വായനശാലകളിലെയും പുസ്തകങ്ങളുടെ എണ്ണത്തെ തോല്പ്പിക്കുന്ന തരത്തിലുള്ള ശേഖരമായിരുന്നു അത്. പത്തു മുതല് പതിനാറു വയസ്സുവരെ ഈ പുസ്തകങ്ങളിലായിരുന്നു സുകുമാരന് അഭയം തേടിയിരുന്നത്.
പുരാണേതിഹാസങ്ങളും ഖണ്ഡകാവ്യങ്ങളും മഹാകാവ്യങ്ങളുമായിരുന്നു അഴീക്കോടിന്റെ വായനയുടെ ആദ്യഖണ്ഡം. ഈ കാലഘട്ടത്തില് വായിച്ചിരുന്നതെല്ലാം സാഹിത്യമായിരുന്നുവെന്ന ബോധം തനിക്കുണ്ടായിരുന്നില്ലെന്ന് അഴീക്കോട് പറഞ്ഞിരുന്നു.
വായനയുടെ കവാടം തുറന്നുകിട്ടിയതോടെ മലയാള, സംസ്കൃത കൃതികള്ക്കൊപ്പം ഇംഗ്ളീഷ് പുസ്തകങ്ങളും വായിക്കാന് തുടങ്ങി. അക്കാലത്ത് ലഭ്യമായിരുന്ന കനപ്പെട്ട പുസ്തകങ്ങളെല്ലാം വായിച്ചുതീര്ത്തു. സംസ്കൃതകൃതികളിലുള്ള അവഗാഹം പില്ക്കാലത്ത് എം.എ മലയാളത്തിന് സ്വര്ണ്ണമെഡല് നേടാന് തന്നെ സഹായിച്ചതായി അഴീക്കോട് ആത്മകഥയില് രേഖപ്പെടുത്തിയിട്ടുണ്ട്.
No comments:
Post a Comment