ജീവിതരേഖ

ജനനം
1926 മേയ് 12ന് കണ്ണൂരിലെ അഴീക്കോട് ഗ്രാമത്തില്‍.
മാതാപിതാക്കള്‍
സെയിന്റ് ആഗ്നസ് കോളേജില്‍ മലയാളം അദ്ധ്യാപകനായിരുന്ന വിദ്വാന്‍ പനങ്കാവില്‍ ദാമോദരന്‍; കേളോത്ത് തട്ടാരത്ത് മാധവിയമ്മ.
കുടുംബം
അവിവാഹിതന്‍. തൃശൂരിനടുത്ത് എരവിമംഗലത്ത് താമസം.
സഹോദരങ്ങള്‍
പരേതനായ കെ.ടി.ഗോപാലകൃഷ്ണന്‍, ദമയന്തി, ലക്ഷ്മി, ദേവദാസ്, പദ്മിനി.
വിദ്യാഭ്യാസം
തേഡ് ഫോറം വരെ അഴീക്കോട് സൌത്ത് ഹയര്‍ എലിമെന്ററി സ്കൂള്‍. എസ്.എസ്.എല്‍.സി: ചിറയ്ക്കല്‍ രാജാസ് ഹൈസ്കൂള്‍.1941. ഇന്റര്‍മീഡിയറ്റ്, ബി.കോം: മംഗലാപുരം സെന്റ് അലോഷ്യസ് കോളേജ്. വൈദ്യം: കോട്ടയ്ക്കല്‍ ആയുര്‍വേദകോളേജ്. ബി.ടി: കോഴിക്കോട് ഗവ. ട്രെയിനിംഗ് കോളേജ്. എം.എ. സംസ്കൃതം, എം.എ. മലയാളം: സ്വകാര്യപഠനം- മദ്രാസ് സര്‍വകാലാശാല. ഡോക്ടറേറ്റ്: കേരള സര്‍വ്വകലാശാല. 1981.
ഔദ്യോഗിക ജീവീതം
കണ്ണൂരിലെ ചിറക്കല്‍ രാജാസ് ഹൈസ്കൂള്‍, കോഴിക്കോട് ദേവഗിരി കോളേജ്, മംഗലാപുരം സെന്റ്് അലോഷ്യസ് കോളേജ്, കോഴിക്കോട് സെന്റ് ജോസഫ്സ് കോളേജ് അദ്ധ്യാപകന്‍. 1953-56.
മൂത്തകുന്നം എസ്.എന്‍.എം ട്രെയ്നിംഗ് കോളേജ് പ്രിന്‍സിപ്പല്‍. കാലിക്കറ്റ് സര്‍വകലാശാല മലയാളവിഭാഗം മേധാവിയും പ്രൊഫസറും.
കാലിക്കറ്റ് സര്‍വകലാശാല പ്രോ-വൈസ് ചാന്‍സിലര്‍, ആക്ടിംഗ് വൈസ് ചാന്‍സിലര്‍. 1986ല്‍ അദ്ധ്യാപനരംഗത്തു നിന്ന് വിരമിച്ചു.

രാഷ്ട്രീയം
വിദ്യാര്‍ത്ഥി കോണ്‍ഗ്രസിലൂടെ തുടക്കം. ഇരുപതാം വയസില്‍ സേവാഗ്രാമത്തില്‍ വെച്ച് ഗാന്ധിജിയെ കണ്ടു. യൂത്ത് കോണ്‍ഗ്രസ്, കിസാന്‍ കോണ്‍ഗ്രസ്, ഹരിജന പ്രസ്ഥാനം എന്നിവയുടെ യോഗങ്ങളില്‍ സ്ഥിരം പ്രാസംഗികന്‍. മൂത്തകുന്നം കോളേജില്‍ പ്രിന്‍സിപ്പലായപ്പോള്‍ കോണ്‍ഗ്രസ് പ്രവര്‍ത്തനം മതിയാക്കി.
ദേവഗിരി കോളേജില്‍ അദ്ധ്യാപകനായിരിക്കെ, 1962 ല്‍ ലോകസഭാ തിരഞ്ഞെടുപ്പില്‍ തലശ്ശേരി നിയോജകമണ്ഡലത്തില്‍ നിന്ന് കോണ്‍ഗ്രസ് സ്ഥാനാര്‍ത്ഥിയായി മത്സരിച്ചു. സാഹിത്യകാരനായ എസ്.കെ. പൊറ്റെക്കാട്ടിനോട് പരാജയപ്പെട്ടു.

പദവികള്‍
വിവിധ സര്‍വകലാശാലകളില്‍ വിദ്യാഭ്യാസ ഭരണസമിതിയംഗം. യ.ജി.സി.യുടെ ആദ്യത്തെ നാഷനല്‍ ലക്ചറര്‍. കാലിക്കട്ട് സര്‍വകലാശാല എമറിറ്റസ് പ്രൊഫസര്‍. കേന്ദ്ര,കേരള സാഹിത്യ അക്കാഡമികളില്‍ ജനറല്‍ കൌണ്‍സില്‍, എക്സിക്യൂട്ടിവ് കൌണ്‍സില്‍ അംഗം. 12 വര്‍ഷം സമസ്ത കേരള സാഹിത്യ പരിഷത്ത് പ്രസിഡന്റ്,
1993 മുതല്‍ 1996 വരെ നാഷണല്‍ ബുക് ട്രസ്റ് ചെയര്‍മാന്‍. നവഭാരതവേദിയുടെ സ്ഥാപക പ്രസിഡന്റ്. വൈലോപ്പിള്ളി സ്മാരക സമിതി, സി.പി.ശ്രീധരന്‍ ഫൌണ്ടേഷന്‍, വിലാസിനി സ്മാരക സമിതി അദ്ധ്യക്ഷന്‍. ദീനബന്ധു, ദേശമിത്രം, നവയുഗം സഹപത്രാധിപര്‍. ദിനപ്രഭ, വര്‍ത്തമാനം പത്രാധിപര്‍.

അവാര്‍ഡുകള്‍
കേന്ദ്രസാഹിത്യ അക്കാഡമി-കേരള സാഹിത്യ അക്കാഡമി അവാര്‍ഡുകള്‍, വയലാര്‍ അവാര്‍ഡ്, രാജാജി അവാര്‍ഡ് തുടങ്ങി 12 പുരസ്കാരങ്ങള്‍ തത്ത്വമസിക്ക് ലഭിച്ചിട്ടുണ്ട്.
2004 ല്‍ എഴുത്തച്ഛന്‍ പുരസ്കാരം.
2007 ല്‍ പദ്മശ്രീക്ക് അര്‍ഹനായെങ്കിലും നിരസിച്ചു.
വളളത്തോള്‍ പുരസ്കാരവും സാഹിത്യ അക്കാഡമി വിശിഷ്ടാംഗത്വവും മാതൃഭൂമി, ദല പുരസ്കാരങ്ങളും തേടിയെത്തി.

കൃതികള്‍
വിവിധ ഭാഷകളിലേക്ക് തര്‍ജ്ജമ ചെയ്തവയടക്കം മുപ്പത്തഞ്ചിലേറെ കൃതികള്‍. തത്ത്വമസി, ആശാന്റെ സീതാകാവ്യം, രമണനും മലയാളകവിതയും, മഹാത്മാവിന്റെ മാര്‍ഗ്ഗം, പുരോഗമനസാഹിത്യവും മറ്റും, മലയാള സാഹിത്യവിമര്‍ശനം, ജി.ശങ്കരക്കുറുപ്പ് വിമര്‍ശിക്കപ്പെടുന്നു, വായനയുടെ സ്വര്‍ഗ്ഗത്തില്‍, മലയാള സാഹിത്യപഠനങ്ങള്‍, തത്ത്വവും മനുഷ്യനും, ഖണ്ഡനവും മണ്ഡനവും, എന്തിനു ഭാരതധരേ, അഴീക്കോടിന്റെ പ്രഭാഷണങ്ങള്‍, അഴീക്കോടിന്റെ ഫലിതങ്ങള്‍, ഗുരുവിന്റെ ദുഃഖം, ആകാശം നഷ്ടപ്പെടുന്ന ഇന്ത്യ, പാതകള്‍ കാഴ്ചകള്‍, മഹാകവി ഉള്ളൂര്‍, അഴീക്കോടിന്റെ ആത്മകഥ, ഭാവന എന്ന വിസ്മയം, നവയാത്രകള്‍, ഭാരതീയത, അഴീക്കോടിന്റെ തിരഞ്ഞെടുത്ത പ്രബന്ധങ്ങള്‍, മഹാത്മാവിന്റെ മാര്‍ഗം, രമണനും മലയാളകവിതയും.

വിവര്‍ത്തനങ്ങള്‍
ഹക്കിള്‍ബെറി ഫിന്‍, ചില പഴയ കത്തുകള്‍, ജയദേവന്‍.
ഹോബി
ഡിറ്റക്ടീവ് നോവല്‍ വായന. സ്പോര്‍ട്സിന്റെ കടുത്ത ആരാധകന്‍. കുട്ടിക്കാലത്ത് ഫുട്ബോള്‍ കളിക്കാരനായിരുന്നു. ഇഷ്ടവിനോദങ്ങള്‍- ടെന്നിസ്, ക്രിക്കറ്റ്, ഫുട്ബോള്‍, വോളിബോള്‍, ഹോക്കി, ഗുസ്തി, ബാഡ്മിന്റണ്‍.