ന്യൂഡല്ഹി: സമീപകാലത്ത് കേരളം കണ്ട ഏറ്റവും വലിയ തിരുത്തല് ശക്തിയെ ആണ് സുകുമാര് അഴീക്കോടിന്റെ മരണത്തിലൂടെ നഷ്ടമായതെന്ന് കേന്ദ്ര പ്രതിരോധമന്ത്രി എ കെ ആന്റണി അനുസ്മരിച്ചു. മുഖം നോക്കാത്തെയുള്ള വിമര്ശനമായിരുന്നു അദ്ദേഹത്തിന്റെ പ്രത്യേകത. അനീതി, സ്വജനപക്ഷപാതം തുടങ്ങിയ കാര്യങ്ങളെ അദ്ദേഹം കര്ക്കശമായ ഭാഷയില് വിമര്ശിച്ചു. അങ്ങനെ അഴീക്കോട് നിരവധി ശത്രുക്കളെ സമ്പാദിച്ചു. എന്നാല് അതൊന്നും അദ്ദേഹത്തിന്റെ നിശ്ചയദാര്ഢ്യത്തെ ഒരിക്കലും ബാധിച്ചിട്ടില്ള.
അഴീക്കോട് സാംസ്കാരികരംഗത്തിന് നല്കിയ സംഭാവനകള് എക്കാലവും ഓര്മ്മിക്കപ്പെടും. അദ്ദേഹത്തിന്റെ വിയോഗത്തില് കേരളം ഒന്നടങ്കം വേദനിക്കുകയാണെന്നും ആന്റണി പറഞ്ഞു.
അഴീക്കോടിന്റെ മരണത്തോടെ ഒരു വിജ്ഞാന ഭണ്ഡാരത്തെ ആണു കേരളത്തിനു നഷ്ടപ്പെട്ടതെന്ന് നടന് തിലകന്. നടനെന്ന നിലയില് തനിക്ക് ഏറ്റവും വലിയ സ്ഥാനം വാക്കുകളാല് തന്ന ആളാണ് സുകുമാര് അഴീക്കോടെന്ന് തിലകന് അനുസ്മരിച്ചു. അതിലും വലിയ ഒരു പുരസ്കാരം തനിക്കു ലഭിക്കാനില്ളെന്നും തിലകന് അഭിപ്രായപ്പെട്ടു.
No comments:
Post a Comment